11-05-2020, 10:26 Oxunub: 2201

Əbülfəs Qarayev həbs olunacaqmı? - GƏLİŞMƏ

Əbülfəs Qarayev həbs olunacaqmı? - GƏLİŞMƏ



Son dövrlər, xüsusilə də 2018- ci ilin prezident seçkilərindən sonra ölkədə aparılan islahatlarla bərabər korrupsiyaya qarşı mübarizə sahəsində də ciddi addımlar atılır. İlk zamanlar bu kiçik ranqlı məmurlar səviyyəsində olsa da sonradan rayon icra hakimiyyəti başçılarının timsalında hakimiyyətin müəyyən qədər yuxarı eşalonunda təmsil olunan şəxslərin də həbs olunması ilə davam etdirildi. Ağstafa, Yevlax, Beləsuvar, Neftçala və İmişli rayonlarının İcra Hakimiyyətinin başçıları həbs olundular. Bəzi qüvvələr isə bu proseslərin kosmetik və görüntü xatirinə edildiyini hələ də iddia edirdilər və bu proseslərin hakimiyyətin daha yuxarı eşalonuna aid olmayacağını deyirdilər. Bu da sizə yüksək ranqlı məmurlar.
Dünən Azərbaycan Respublikası Dövlət Təhlükəsizliyi Xidmətinin keçirdiyi əməliyyat göstərdi ki, proses davam edir, neqatif hallar aşkarlanacaqsa bundan sonra da davam edəcək (Ümumiyyətlə DTX-nın son dövrlər keçirdiyi əməliyyatlar xalq arasında çox yüksək səviyyədə qəbul olunur, Təhlükəsizlik orqanlarının yüksək peşəkarlığa malik olduqlarını bir daha sübuta yetirir, itirilmiş nüfuzunun bərpası üçün böyük rol oynayır).Mədəniyyət Nazirinin müavini Rafiq Bayramov və Nazirliyin nəzdindəki Dövlət Xidmətinin rəisi Zakir Sultanov yol verdiyi korrupsiya əməllərinə görə həbs olundular. Azərbaycan mədəniyyətinin inkişafına məsul olan şəxslər ən böyük mədəniyyətsizlik nümayiş etdirərək dövlət əmlakını talayıblar. Bir qismi ermənilər tərəfindən dağıdılan mədəniyyət və incəsənət əsərlərinin qalanınını da bu xəyanətkarlar talan edib, yağmalayıblar. Məşhur filmdə deyildiyi kimi; belələrinə nə ad verəsən, “ tüfeyli, qrabitel”.
Keçək məsələnin digər tərəfinə. Belə bir rəzalətdən sonra nazir Əbülfəs Qarayev heç nə olmamış kimi kiçik açıqlama verməklə yaxasını qırağa çəkməyə çalışır. Təbi ki, bu boyda talançılığın olması nazirdən xəbərsiz ola bilməz. Əgər kimsə iddia edirsə ki, nazirin bu işlərdən xəbəri olmayıb, səhv düşünür. Təbii ki, xəbəri var. Heç bir nazir müavini, idarə rəisi öz başına belə qələt etməz. Necə olur ki, hər kəs fəxri adların pul müqbilində verildiyindən, tenderlərin hansı şəraitdə keçirildiyindən, xarici qastrollara milyonlara pul yazılaraq mənimsənildiyindən danışır, amma nazirin bu olanlardan xəbəri olmur.
Nə isə! Bir mədəniyyət naziri ki, öz xalqının dilində danışa bilmir, ruhən Azərbaycanlı deyil və özünü bu xalqın nümayəndəsi hesab etmirsə bu adam hansı üzlə Azərbaycan mədəniyyətini təmsil edə bilər? Bir halda ki, nazir bu olanlara adi hal kimi baxır vay bizim halımıza. Bu tip məmurlar öz məsuliyyətsiz hərəkətləri ilə Azərbaycan xalqına və Prezidentin apardığı siyasətə xəyanət edirlər. Radikal müxalifətin, beşinci kolonun əlinə fürsət verərək Dövlətin üzərinə qaldırırlar. Mənə görə belələri beşinci kolondan daha təhlükəlidirlər. Bütün bu olanlardan sonra Əbülfəs Qarayev təcili şəkildə istintaqa cəlb olunmasa, Azərbaycan xalqını bir sual düşündürəcək: “bəs nazir hara baxırdı, niyə o da həbs olunmur”?

Arzuman Abdulkərimov
Ana Vətən Partiyasının sədr müavini //pravda.az//
Saxta araq satan şəxs HƏBS OLUNDU Saxta araq satan şəxs HƏBS OLUNDU Gündəm / Sosial Vüqar Muradov 10 milyonluq odun yanacağının satınalmasına kimin əmri ilə imza atıb? Vüqar Muradov 10 milyonluq odun yanacağının satınalmasına kimin əmri ilə imza atıb? Gündəm Prezidentdən icra başçılarına: Çatışmayan cəhətləri üzə çıxarmalısınız Prezidentdən icra başçılarına: Çatışmayan cəhətləri üzə çıxarmalısınız Gündəm / Siyasət Dövlət başçısı: Bəzi icra başçıları nöqsanlarını ört-basdır etmək üçün yalan raportlar verir Dövlət başçısı: Bəzi icra başçıları nöqsanlarını ört-basdır etmək üçün yalan raportlar verir Siyasət Rüşvətə görə həbs edilən hakimdən YENİ XƏBƏR Rüşvətə görə həbs edilən hakimdən YENİ XƏBƏR Gündəm / Sosial