24-09-2019, 18:20 Oxunub: 2345

Vəsiqəsini girov qoyan deputatın nə qədər borcu var? - Siyahı / FOTOLAR

Vəsiqəsini girov qoyan deputatın nə qədər borcu var? - Siyahı / FOTOLAR
Son günlər millət vəkili Rafael Cəbrayılovla bağlı yaranmış borc skandalı getdikcə böyüyür. Borca görə deputat vəsiqəsini girov qoyan R.Cəbrayılovun başqa borclarının olduğu və bu məbləğin bir neçə milyonu ötdüyü bəlli olub.

Qanunvekriminal.az axar.az-a istinadən xəbər verir ki, R.Cəbrayılov əvvəlcə Fətəliyeva Təranə Rasim qızından 300 min dollar borc alması müqabilində deputat vəsiqəsini girov qoyması ilə gündəmə gəldi. Məlum oldu ki, deputat notarial qaydada təsdiq olunmuş şəkildə 9 sentyabr 2015-ci ildə Təranə Fətəliyevadan 300 min ABŞ dolları borc alıb, lakin ödəyə bilməyib.



Buna görə də Təranə Fətəliyeva Abşeron Rayon Məhkəməsinə müraciət edib və məhkəmə 15 fevral 2019-cu ildə iddiaçının xeyrinə qiyabi qətnamə qəbul edib. Rafael Cəbrayılov isə məhkəmənin qərarı ilə razılaşmayıb və apellyasiya şikayəti verib. Apellyasiya Məhkəməsi birinci instansiya məhkəməsinin qərarını qüvvədə saxlayıb.

Deputatla bağlı daha bir fakt onun Bakı Dövlət Universitetinin Hüquq fakültəsinin müəlliməsi Xatirə Nəcəfovaya 300 min dollar borc alması və bunun müqabilində ona da deputat vəsiqəsini girov qoymasıdır.

Millət vəkili Rafael Cəbrayılovun borc karvanına daha bir “qurban” qoşulub. Onun AG Bank ASC-yə ümumilikdə 2.222.232 ABŞ dolları (3.777.794 manat) və 326.848.80 min manat məbləğində kredit borcu olması da üzə çıxıb.



Hakim Ş.Nəcəfovanın sədrliyi ilə keçirilən məhkəmədə sözügedən məbləğin cavabdeh Cəbrayılov Rafael Kamil oğlundan AG Bank ASC-nin xeyrinə tutulmasına qərar verilib.

Ümumi hesabladıqda, millət vəkili Rafael Cəbrayılovun AG Bank ASC-yə 4.104.642, ayrı-ayrı şəxslərə (Təranə Fətəliyeva və Xatirə Nəcəfova) 1.020.000 manat, ümumilikdə 5.124.642 manat məbləğində borcu olduğu bəlli olur.

Göstərilən məbləğin deputat Rafael Cəbrayılovun borcunun yalnız bir hissəsini təşkil etdiyi, onun müxtəlif banklara və ayrı-ayrı şəxslərə yenə külli miqdarda borcu olduğu deyilir.



İctimai rezonans doğuran hadisəyə millət vəkilləri də reaksiya verib. Milli Məclisin İntizam Komissiyasının üzvü, deputat Məlahət İbrahimqızı saytımıza açıqlamasında bildirib ki, deputat Rafael Cabrayılovla bağlı deyilənlər təsdiqlənərsə, İntizam Komissiyası bu məsələyə mütləq baxacaq və adekvat reaksiya veriləcək.

Vəsiqəsini girov qoyan deputatın nə qədər borcu var? - Siyahı / FOTOLAR
Vəsiqəsini girov qoyan deputatın nə qədər borcu var? - Siyahı / FOTOLAR
Rafael Cəbrayılov deputat mandatından məhrum edildi Rafael Cəbrayılov deputat mandatından məhrum edildi Gündəm / Sosial Rafael Cəbrayılov villasını satışa çıxardı - Borclu olduğu şəxslərin sayı 10 nəfərdən çoxdur Rafael Cəbrayılov villasını satışa çıxardı - Borclu olduğu şəxslərin sayı 10 nəfərdən çoxdur Gündəm / Sosial Ali Məhkəmə Röyanın keçmiş biznes ortağı ilə bağlı qərar çıxardı Ali Məhkəmə Röyanın keçmiş biznes ortağı ilə bağlı qərar çıxardı Gündəm / Sosial Ali Məhkəmə "Azadlıq Radiosu" və "Meydan" TV-nin bloklanması barədə qərarı ləğv edib Ali Məhkəmə "Azadlıq Radiosu" və "Meydan" TV-nin bloklanması barədə qərarı ləğv edib Gündəm / Sosial Məşhur şirkət cərimələndi Məşhur şirkət cərimələndi Gündəm