Azərbaycanda müzakirəsi gedirdi, Putin ləğv etdi

Rusiya prezidenti Vladimir Putin 1 yarımdan üç yaşına qədər uşağa qulluq üçün 50 rubl məbləğində aylıq kompensasiya ödənişlərini ləğv edən sərəncam imzaladı.

FaktXəbər bildirir ki, sənəd rəsmi məlumatların rəsmi internet portalında yayımlanıb.

"Rusiya Prezidentinin 30 may 1994-cü il tarixli 1110 nömrəli "Vətəndaşların bəzi kateqoriyalarına kompensasiya ödənişlərinin artırılması haqqında fərmanı etibarsız sayılsın”, - deyə məlumatda bildirilir.

Eyni zamanda, bu ödəmələri əvvəlcədən təyin edilmiş vətəndaşlar, son tarixə qədər onları almağa davam edəcəklər.

Avqust ayında Putin ehtiyac meyarını dəyişdirərək daha çox ailəyə aylıq ödəniş almağa imkan verən qanun imzalayıb.

Adambaşına gəlirləri yaşayış minimumundan 2 dəfə aşağı olan ailələr indi ehtiyac sahibi hesab ediləcəklər.

Onlar üçün ay yarımdan üç ilədək birinci və ikinci uşaq üçün bölgədəki yaşayış minimumu miqdarında aylıq ödənişlər veriləcək.

Qeyd edək ki, son günlər Azərbaycanda uşaqpullarının verilməsi barədi müzakirələr aparılır. Deputat Vahid Əhmədovun gündəmə gətirdiyi məsələyə bu gün Əmək və Əhalinin Sosial Müdafiəsi nazirinin müavini Anar Kərimov münasibət bildirib.

A.Kərimov bildirib ki, hazırda Azərbaycanda uşaqlarla bağlı ailələrə 14 növ sosial müavinət verilir. İl ərzində bunun üçün 494 milyon manat ayrılır. Bu müavinətlər 585 min uşağı əhatə edir.

A.Kərimov əlavə edib ki, təkcə bu il ərzində, ölkədə ünvanlı sosial yardımdan 160 min uşaq faydalanıb:" Prezident Ilham Əliyev də vurğulayır ki, dövlət vəsaitindən səmərəli, ünvanlı şəkildə istifadə olunmalıdır. "Uşaq pulu" isə ünvanlılıq prinsipinə tam cavab vermir".