İdman
ÇOX OXUNANLAR
27-11-2019, 18:28 Oxunub: 2339
Rusiya ilə Britaniya arasında müharibə başlayarsa... - HESABAT
Rusiya ilə müharibə olacağı təqdirdə Böyük Britaniya kasetli bombalar barədə müzakirələrə qayıtmağı düşünə bilər.
Oxu.Az-ın xəbərinə görə, bu barədə Kral Birləşmiş Xidmətlər İnstitutunun yeni hesabatında deyilir.
Hesabatda bildirilir ki, gələcəkdə hər hansı münaqişə baş versə, Rusiya düşmən artilleriyasına qarşı əməliyyatları keçirəcək və bu, Böyük Britaniyanın silahlı qüvvələri üzərində üstünlüyün qazanılmasına gətirib çıxaracaq.
“Bu isə ingilis silahlarını və manevr edilə bilən bölmələri immobilizasiya etməyə və sıxışdırmağa imkan verəcək. Bu da Britaniya bölmələrinin hərtərəfli məğlubiyyətinə səbəb olacaq”, - deyə hesabatda qeyd olunub.
Təklif edilir ki, Britaniyanın Müdafiə Nazirliyi ən səmərəli, eyni zamanda bahalı ehtiyat silah fondlarına sərmayə qoymalıdır.
Hesabatın müəllifi Cek Uatlinq hesab edir ki, quru qoşunlarının rəhbərliyi artilleriyanın əhəmiyyətini dərk edir və onun modernləşdirilməsində maraqlıdır.
Bununla belə düşünür ki, Britaniya hökumətinin bütövlükdə bu mövqeyi bölüşüb-bölüşməməsi bəlli deyil.
Onun sözlərinə görə, Britaniya tank əleyhinə silahları yaxşı vəziyyətdə saxlamalı və “Kasetli Silahlara dair” Konvensiyanın müddəalarını yenidən nəzərdən keçirməlidir.
2008-ci ilin dekabrında Osloda imzalanan Konvensiya zərərli elementləri geniş əraziyə yayan partlayıcı silahlardan istifadə etmək, onları ötürmək və saxlamağı qadağan edir.
Bu günə qədər 108 ölkə Konvensiyaya imza atıb. Amma Çin, Rusiya, ABŞ, Hindistan, İsrail, Pakistan və Braziliya kimi ölkələr Konvensiyaya qarşıdır.
Kasetli bombalar quru qoşunları və hava qüvvələri tərəfindən istifadə edilə bilər. Bu bombalarn prinsipi düşmən əsgərləri, nəqliyyat vasitələrini dayandırmaq üçün geniş əraziyə çox sayda element səpməkdir.
Bu cür bombalar həm hərbi, həm də mülki hədəflərə zərbələr endirə bilər. Yəni, mülki şəxslərə də təhlükə yaradır.
Uotlinq bildirir ki, Britaniya ordusu zirehli texnikalar parkını dəyişdirdikdən sonra, 2020-ci illərin ortalarında artilleriyanı bərpa etməyə çalışacaq.
XƏBƏR LENTİ
14:27 | Qanunsuzluğun QURBANI - Heyvanlara qarşı qəddar münasibət və cavabsız qalan suallar/VİDEO 14:22 | Hikmət Hacıyevdən Rusiya açıqlaması 14:19 | Moskva-Bakı gərginliyi açıq fazaya bu zaman keçəcək – Türk ekspertdən SENSASİYA 14:16 | Yeni şəxsiyyət vəsiqəsi ilə bağlı vacib detal: Əlavə ödəniş… 14:09 | İrəvan Rusiyanı rədd edir, Bakı ilə birgə... - Tarasov 18:31 | Təbrik edirik! 11:19 | Şərəfli ömür yolu 09:38 | Sabunçu Tibb Mərkəzində Üz-çənə cərrahiyyəsi şöbəsi fəaliyyətə başladı 09:35 | Qırğızıstanda Azərbaycan Mədəniyyəti Günləri keçirildi - FOTO 22:54 | Kadastr və Yerquruluşu Layihə-Tədqiqat Mərkəzi MMC-də yüzminləri avtomobillər yeyir, yoxsa… - TƏFƏRRÜAT 22:51 | PƏNCƏRƏLƏR 10:56 | Şərəfli ömür yolu 10:55 | Daha bir qrup ifşa edildi: 578 milyon manat pul ölkəyə qaytarılmayıb 10:54 | Avropa Liqası: "Qarabağ" 2 "qırmızı" aldı, 3 qol buraxdı 10:52 | Qubadlı şəhərinin işğaldan azad olunmasından 4 il ötür 10:51 | Neft Fondu səhmlərdən nə qədər gəlir əldə edib? - RƏQƏMLƏR