Bu rayonlarda qaz təchizatı DAYANDIRILDI

Sabirabad və Xaçmaz rayonlarında qaz xətlərində təmir işləri aparılır.

“Azəriqaz” İB-dən verilən məlumata görə, bu gün səhər saatlarında Sabirabad rayonunda 219 mm diametrində olan polietilen orta təzyiqli yeraltı “Şəhər-Muğan” daşıyıcı qaz kəmərinin Muğan prospektindən H. Əliyev prospektinə qədər olan hissəsində sazlama işlərinə başlanılıb. Bu müddət ərzində rayon mərkəzinin bir hissəsində qaz fasilələrlə veriləcək. Xaçmaz rayonunun Vəlvələ kəndi istiqamətində isə istismarda olan qaz xəttində təmir-bərpa işlərinin aparılması ilə əlaqədar bir qrup abonentin qaz təchizatı müvəqqəti olaraq dayandırılıb.