Lerik Rayon Təhsil şöbəsinin Mətbuat şurasının rəhbəri Əflatun Amaşova müraciətini bizim saytın izləyənlərin diqqətinə olduğu kimi catdırırıq.

Lerik Rayon Təhsil şöbəsinən haqda son zamanlar mətbuatda, müxtəlif saytlarda gedən qərəzli yazılara cavab olaraq, rayon təhsil işçilərinin. Mətbuat şurasının rəhbəri Əflatun Amaşova müraciətini bizim saytın izləyənlərin diqqətinə olduğu kimi catdırırıq.




Azərbaycan Respublikasının Prezidenti möhtərəm cənab İlham Əliyev siyasət nəhəngi, xalqımızın ümummilli lideri Heydər Əliyevin ustalıqla yaratdığı iqtisadi inkişafın start meydanında 16 il ərzində möhtəşəm proqramların işə düşməsi üçün çevik mexanizm qurmuşdur. Məhz cənab İlham Əliyevin rəhbərliyi ilə zaman-zaman artan neft gəlirləri ölkədə istehsal sənayesinin yaradılmasına, qlobal enerji layihələrinin reallaşmasına, yol-nəqliyyat infrastrukturunun genişləndirilməsinə, regionların inkişaf proqramlarının maliyyələşməsinə, ərzaq təhlükəsizliyinin təmin olunması üçün kənd təsərrüfatının inkişafına, Azərbaycanda müdafiə sənayesinin yaradılmasına, informasiya-kommunikasiya texnologiyalarının tətbiqinə, səhiyyənin, mədəniyyətin və sair sahələrin inkişafına yönəldilmişdir.

Qloballaşan dünyaya Azərbaycan həm də təhsili və elmi ilə qovuşur. Təhsili cəmiyyətin ən vacib sahəsinə çevirən möhtərəm cənab İlham Əliyev ölkəmizin davamlı inkişafını bilavasitə təhsilin inkişafında görür.

Təhsilin infrastrukturunun yaxşılaşdırılmasına, xidmət edən yeni məktəb binalarının inkişafı Lerikdə də geniş vüsət almışdır. Son 16 il ərzində Lerik rayonunda 65 yeni məktəb binası tikilmiş, 22 məktəb binası isə əsaslı təmir olunmuşdur. Təkcə ötən bir il ərzində 10-dan artıq qəzalı vəziyyətdə olan məktəb binalarını modul tipli yeni binalar əvəz etmişdir. Bu xeyirxah iş bu ildə davam etdirilir.

Məktəblərimizin müasir avadanlıqlarla, o cümlədən informasiya-kommunikasiya texnologiyaları ilə təchizi, şagirdlərə dərsliklərin pulsuz paylanılması, pedaqoji və rəhbər pedaqoji kadrların seçilib yerləşdirilməsində ciddi qaydaların yaradılması, diaqnostik qiymətləndirmənin keçirilməsi, müəllimlərin əmək haqqlarının əsaslı şəkildə artırılması təhsilə və təhsil işçilərinə böyük qayğının canlı təzahürü olmaqla yanaşı, təhsilin keyfiyyətinə birbaşa təsir göstərən amillərdir.

Ölkə rəhbərliyinin və hökümətin təhsilə qayğısı öz bəhrəsini verməkdədir. Şagirdlərin təlim nəticələrinin təhlili nəticəsində belə qənaət hasil olunur ki, Lerikdə məktəblərimizin qazandığı uğurlar ilbəil yaxşılaşmaqdadır.

Lakin bəzi paxıl, uğurlarımızı görmək istəməyən qüvvələr, ya da kimlərinsə məqsədli sifarişlərini yerinə yetirənlər müxtəlif sosial şəbəkələrdə, mətbuat səhifələrində Lerik rayonunun o cümlədən Lerik təhsilinin qazandığı nailiyyətlərə kölgə salmağa çalışırlar. Belə üzdəniraq yazı müəlliflərinə demək istəyirik ki, faktlara, dəlillərə əsaslanmayan iddialar, əsassız yazılar böhtan və şayiə yaymaqdan başqa bir şey deyildir.

2019-cu ildə ali məktəblərə qəbul imtahanlarında Lerik rayonunun 326 nəfər məzunu iştirak etmişdir. Onlardan 152 nəfəri tələbə adını qazanmışdır.

Məzunlardan 24 nəfəri 500-dən, o cümlədən 5 nəfəri 600-dən yuxarı bal toplamışdır. Sevindirici haldır ki, yüksək bal toplayanların 50 nəfərini qızlar təşkil edir. Lərmərud kənd tam orta məktəbinin məzunu Rəvan Məmmədov 653 balla Dövlət İqtisad Universitetinə, Pirasora kənd tam orta məktəbinin məzunu Təhmin Həsənzadə 651 balla Polis Akademiyasına, Lerik şəhər 3 nömrəli tam orta məktəbin məzunu Nərmin Həşimova 612 balla Azərbaycan Dövlət Tibb Universitetinə, Bülüdül kənd tam orta məktəbinin məzunu Məmmədli Ümid 600 balla Tibb Universitetinə qəbul olunmuşlar. Azərbaycan Respublikası Təhsil Nazirliyi tərəfindən qızlı medala layiq görülmüş, Züvüç kənd tam orta məktəbinin məzunu Zaur Səmədli yüksək etimadı doğruldaraq 644 balla Polis Akademiyasının tələbəsi adını qazanmışdır.

Lerik şəhər 3 №li tam orta məktəbinin 28 nəfər məzunundan 20 nəfəri ali məktəblərə qəbul olunmuş, 4 nəfəri 500 baldan yuxarı nəticə göstərmişdir.

Məzunları ali məktəb qapılarını yüksək balla açan məktəblər arasında Blaband, Hamarmeşə, Siyov, Nücü, Veri, Monidigah, Çayrud, Rvarud, Tikəband, Vizəzəmin, Lüləkəran, Lerik şəhər 1 nömrəli tam orta məktəblərinin adlarını fəxrlə çəkə bilərik.

Yüksək balla ali məktəblərə qəbul olunan məzunlarla 28 avqust 2019-cu il tarixində Lerik Rayon İcra Hakimiyyətində görüş keçirilmişdir. Görüşdə rayon rəhbərliyi məzunları parlaq nəticə münasibətilə təbrik etmiş, onlar qiymətli hədiyyələrlə mükafatlandırılmışlar.

Hazırda yeni dərs ilinin başlanılmasını səbirsizliklə gözləyirik. Qarşıdakı dərs ilində uğurlarımızı daha da artıracaq, müasir texniki tərəqqi dövründə Vətənimizi yeni-yeni qələbələrə daşıya biləcək layiqli vətəndaşlar yetişdirmək naminə bilik və bacarığımızı əsirgəməyəcəyik!

Uğurlarımızı görmək istəməyənlərə isə sözümüz budur: “Ümumi işimizin ahəngini pozmağa əbəs yerə səy göstərməyin! Bədxah niyyətlərinizdən əl çəkin, Azərbaycanımızın çiçəklənməsi naminə siz də töhvənizi verin!”

Dərin hörmət və ehtiramla, Lerik rayonunun pedaqoji ictimaiyyəti adından.