"Restoranlarda nərə balığı adı ilə başqa ət satırlar" — Nazirdən şok açıqlama

"Restoranlarda nərə balığı adı ilə insanlara başqa ətin satılması halları mövcuddur".
Sonxeber.az xəbər verir ki, bunu Ekologiya və Təbii Sərvətlər naziri Muxtar Babayev Yeni Azərbaycan Partiyasında keçirilən mətbuat konfransında deyib.
Nazir bildirib ki, Azərbaycanda o qədər nərə balığı yoxdur ki, bütün restoranlarda satılsın: "Yediyimiz məhsula ehtiyatla yanaşmalıyıq. Digər ətin nərə balığı adı ilə verilməsi halları var. Vətəndaşlar bu məsələdə ehtiyatlı olmalıdır".

Nazir əlavə edib ki, Azərbaycanda nərə balığının yetişdirilməsi istiqamətində işlər davam edir və ildən-ilə bu proses artır: "Bir zamandan sonra biz bunun müsbət nəticələrini görəcəyik".