SOCAR ötən il emal etdiyi neftin həcmini açıqlayıb

Keçən il SOCAR 6 milyon 95,8 min ton neft və 162,3 min ton kənardan daxil olan xammal olmaqla, cəmi 6 milyon 258,1 min ton xammal emal edib. Təyin olunan plana qarşı xam neftin emalı 103,1 faiz, ümumi xammalın emalı isə 105,4 faiz yerinə yetirilib. 2017-ci ilin yekunları ilə müqayisədə neftin emal həcmi 285,8 min ton və ya 4,7 faiz, ümumi xammalın emal həcmi isə 328,5 min ton və ya 5,2 faiz artıb.

AZƏRTAC xəbər verir ki, bu barədə SOCAR-ın “Davamlı inkişaf üzrə illik hesabat”ında deyilir.

Qeyd edək ki, 2016-cı ildə şirkətin neft emalı 6 milyon 9,4 min ton, 2017-ci ildə isə 5 milyon 815,5 min ton olub.