"Kristal Abşeron" MTK niyə ağaclara qənim kəsilib?-Video

İllərdir yaşıllıqların məhv edilməsi ilə bağlı mətbuat yazır. Belə ki,Qanunvekriminal.az saytının  “Qaynar xətt”inə   “Kristal  Abşeron” Mtk   tərəfindən ağacların kəsilməsi ilə bağlı şikayət daxil olub.

Halbuki, bir neçə gün öncə qanunsuz  ağacların kəsilməsinə Prezident İlham Əliyev tərəfindən sərt reaksiya verildi və bu əməli törədənlərin cəzalandırılması ilə bağlı tapşırıqlar verildi. Buna baxmayaraq yenə də ağacların qanunsuz kəsilməsinin şahidi oluruq.

Qeyd edək ki, əvvələr  ağac  kəsmək, yaşıllıqlara  qulluq  etməmək  cinayət  sayılırdı. Məsul  şəxslər  ən  ağır cəzayla  cəzalandırılırdılar. Bir  sözlə, qanun-qadağa  möhkəm  idi. Qorxan, çəkinən  vardı. Çünki, bağ salmaq, ağac əkmək, ümumiyyətlə, ətrafı yaşıllıq aləminə qərq etmək ata-babalarımızın adəti olub.

Doğrudur,  indi   qanunlar  var.  Amma çox təssüflər olsun ki, bu qanunlardan  qorxan yoxdur. Kimin  arxası, pulu  var, ölkəni geniş  meydan  bilib, köhlən  atını  sola  da, sağa  da  çapır. Min  əziyyət  bahasına  illərlə  ərsəyə gətirilən  yüzlərlə  ağacı  bir  gecənin  içində  of demədən  kəsib  yerində  villa, göydələn, şadlıq  evi, ticarət  mərkəzi  və  s. tikdirir. Ağzını  açanın  ağzından vurur  və  pulla  qapayır.

Bəs görəsən, ağacların kəsilməsinə kim icazə verib, kim kəsib? Belə adamlar cəzalandırılmalıdır və ictimaiyyət də bilməlidir. Yoxsa, hərə əlinə bir balta alıb, ağac kəsməlidir?”

 Mətbuat olaraq düşünürük ki, ağacların kəsilməsində günahkar olanlar cəzalanmalıdır ki, bu niyyətdə olan digərlərinə görk olsun.

Xəbər saytı olaraq, Ərazi Ekologiya və Təbii Sərvətlər Nazirliyinə məsələylə bağlı sorğu ünvanlayacağıq.

Qarşı tərəfin  mövqeyini dərc etməyə hazırıq.

Sonda kəsilən ağacların görüntülərini Sizlərə tqədim edirik:

“Qanunvekriminal.az”