Beyləqanda qanunsuz ət kəsimi ilə məşğul olan məntəqə aşkarlandı-FOTO
Bu gün Bakıda, eləcə də regionlarda çox sayda ət kəsimi məntəqləri fəaliyyət göstərir.Gözümüzün qabağında kəsilən və keyfiyyətinə daha çox əmin olduğumuz kəsim məntəqələrindən ət almağa üstünlük veririk.
Çünki, ət insan qidası üçün xüsusi əhəmiyyətə malikdir. Ət zülal mənbəyi kimi orqanizmə olduqca lazımdır. Onu əvəz edən başqa bir qida məhsulu yoxdur. Bununla bərabər ət özündə müəyyən xəstəlik riskləri daşıyan qida məhsuludur. Bu ondan ibarətdir ki, heyvan sağ olduğu dövrdə insan sağlamlığı üçün təhlükəli olan müəyyən xəstəliklərin daşıyıcısı ola bilər. Belə ki, hazırda təqdim edəcəyimiz fotofakt buna misal ola bilər.
Belə ki, Beyləqan dörd yol deyilən ərazidə qanunsuz fəaliyyət göstərən ət kəsimi məntəqələri ilə bağlı redaksiyamızın “Qaynar xəttinə” vətəndaş şikayəti daxil olub.
Vətəndaşın verdiyi məlumata görə, burada ət kəsimi və satış məntəqələrindəki baytarlıq sanitariya vəziyyəti, sanitar-gigiyena normalarına əməl edilmir.
Görünür, dəfələrlə məntəqə sahiblərinə ciddi xəbərdarlıq edilməsinə baxmayaraq qanunsuz olaraq quraşdırılmış, qida təhlükəsizliyi tələblərinə uyğun olmayan bir sıra kəsim qurğuları hələ də fəaliyyət göstərərək vətəndaşlarımızın sağlam həyatlarını təhlükəyə ataraq davam etməkdədir.
Qeyd edək ki, "Heyvan kəsimi fəaliyyətinin tənzimlənməsi haqqında" ölkə rəhbərinin müvafiq Sərəncamında baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədləri üçün heyvan kəsimi hallarının qarşısının alınması ilə bağlı Azərbaycan Respublikasının Qida Təhlükəsizliyi Agentliyi Daxili İşlər Nazirliyi və yerli icra hakimiyyəti orqanları tərəfindən aidiyyəti tədbirlərin görülməsi öz əksini tapmışdır.
Biz də həmin sərəncama uyğun olaraq düşünür ki, şikayət aidiyyəti üzrə yerində araşdırılmalı və qanunvericilik çərçivəsində tədbirlər həyata keçirilməlidir.
“QanunveKriminal.Az”-saytı olaraq şikayətlə bağlı daha ətraflı məlumatı araşdırmamızdan sonra diqqətinizə çatıracağıq...P.S
