İdman
ÇOX OXUNANLAR
25-08-2021, 11:58 Oxunub: 2268
Səttar Möhbalıyev: “Mehriban xanım Əliyeva öz fəaliyyəti ilə, gördüyü nəcib və humanist işlərlə Azərbaycanı dünyada uğurla təmsil edir”
![Səttar Möhbalıyev:](https://aia.az/uploads/posts/2021-06/1623763338_12.jpg)
"Avqustun 26-sı Azərbaycanın Birinci vitse-prezidenti Mehriban xanım Əliyevanın doğum günüdür. Bu münasibətlə öz adımdan, həmçinin çoxminli həmkarlar ittifaqlarının üzvləri adından Mehriban xanımı səmimi qəlbdən təbrik edir, ona xalqımız və dövlətimiz naminə fəaliyyətinin bütün istiqamətlərində uğurlar və möhkəm cansağlığı arzulayıram. Mehriban xanım müasir tariximizin ən dəyərli simalarından biridir. Onun dövlətimizin və xalqımızın həyatında gördüyü işlər təkcə ölkə vətəndaşları tərəfindən, eyni zamanda dünya ictimaiyyəti tərəfindən təqdir olunur və yüksək səviyyədə qiymətləndirilir. Fəaliyyətinin hər bir məqamında Vətənə tükənməz sevgi və sədaqət, milli dəyərlərə hörmət, humanizim, xeyriyyəçilik, insanlara böyük qayğı və məhəbbətlə yanaşmaq prinsipləri durur”.
Bu fikirləri Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev deyib.
Onun sözlərinə görə, tarixən xalqımızın qurub yartdığı dövlətlərin və cəmiyyətlərin həyatında qadınlarımızın rolu böyük olub: "Ədəbi-mədəni mühütün yaranmasında və formalaşmasında, cəmiyyətin ictimai-siyasi taleyində, Vətənin müdafiəsində xüsusi xidmətlər göstəriblər. Heç də təsadüfü deyil ki, tariximiz boyu Vətən və Ana anlayışları bərabər tutulub. Tomris ana, Nüşabə, Sara xatun, Tuti Bikə, Xurşudbanu Natəvan, Zərifə xanım və digər bu kimi fədakar qadınlarımızın sayəsində Ana adı Vətən qədər müqəddəsləşib. Qədirbilən xalqımız onun həyatında xidmətləri olan insanları isə heç vaxt unutmur, həmişə layiq olduqları qiyməti verir. Öz tarixinə və soykökünə bağlı olan Mehriban xanım bu ənənəni uğurla davam etdirir. Ölkəmizin ictimai həyatının bütün sahələrində Mehriban xanımın müsbət izləri görünməkdədir. Onun çoxşaxəli xidmətləri maarifçilikdən səhiyyəyə, idmandan mədəniyyətimizin təbliğinə, xeyriyyəçilikdən ətraf mühitin qorunmasına qədər geniş bir fəaliyyət məkanını özündə birləşdirir”.
"Xalqımızın milli-mənəvi dəyərlərinin inkişafında, qeyri-maddi irsin təbliğində, adət-ənənələrinin qorunmasında əzmkarlıqla çalışan Mehriban xanım insanların böyük sevgi və sonsuz məhəbbətini qazanıb. Müstəqilliyimizin ilk illərində mədəniyyətmizin incisi, musiqi tariximizin kökü hesab olunan muğama diqqət azalmışdı. Demək olar ki, muğam ifaçıları unudulmuşdu. Məhz Mehriban xanımın diqqət və qayğısı, irəli sürdüyü təşəbbüslər, həyata keçirdiyi layihələr sayəsində muğamın əvvəlki nüfuzu özünə qaytarıldı. Ölkəmizin bəzi şəhər və rayonlarında muğam mərkəzləri açıldı, cənab Prezident İlham Əliyev və Mehriban xanım həmin açılışlarda şəxsən iştirak edərək bu sənətin nümayəndələri ilə görüşüb söhbətlər etdilər. Ard-arda muğam müsabiqələri təşkil olundu, bu sahədə istedadı olan gəclər aşkar edilərək üzə çıxarıldı. Bu gün həmin müsabiqələrin iştirakçıları ölkəmizin muğam sənətinin təbliğində səylə çalışırlar”, - AHİK sədri bildirib.
Millət vəkili qeyd edib ki, Mehriban xanım hələ Milli Məclisin deputatı olduğu zamanlar mütəmadi olaraq seçicilərlə görüşlər keçirib, onların qayğıları ilə maraqlanıb, rəy və təkliflərini öyrənib, sosial problemlərinin həlli istiqamətində müvafiq tədbirlər görürüb: "Seçicilərin dərin hörmət və rəğbətini qazanan Mehriban xanım parlamentdə dövlətimiz və xalqımızın maraqlarından çıxış edərək bir sıra vacib qanunların qəbul olunmasında yaxından iştirak edib. Vətəninə sonsuz sevgisi, milli-mənəvi dəyərlərə dərin hörməti, ölkənin ictimai-siyasi həyatındakı xidmətləri, xalqa olan tükənməz sevgisi onun ölkəmizin Birinci vitse-prezidenti vəzifəsinə təyin olunmasını şərtləndirən əsas amillərdəndir. Bacarıqlı siyasi fəaliyyəti, yüksəksəviyyəli təşkilatçılıq məharəti, özünəməxsus idarəçilik xüsusiyyətləri, humanist yanaşma tərzi sayəsində Mehriban xanım bu vəzifənin öhdəsindən ləyaqətlə gəlir ”.
S.Möhbalıyev vurğulayıb ki, dövlət başçısı cənab İlham Əliyevlə birgə Mehriban xanımın ölkənin inkişaf strategiyasının hazırlanmasında, həyata keçirilməsində, həmçinin sosial, humanitar və iqtisadi layihələrin gerçəkləşməsində böyük əməyi var: "Onun siyasi fəaliyyətinin kökündə humanizm dayanır, ölkənin sosial problemlərinin həllinə daha çox diqqət ayırır. O, hər zaman həssas əhali qruplarına qayğı ilə yanaşır, onların sosial ehtiyaclarının ödənilməsi üçün müxtəlif təşəbbüslər irəli sürür, bayramlarda, dövlətimiz üçün digər əlamətdar günlərdə onlara sovqatlar, hədiyyələr göndərilir. Bundan başqa, şəhid ailələri və qazilər də Mehriban xanımın diqqətindən kənarda qalmır. Onların, demək olar ki, bütün problemlərinin həllinə şəxsən dəstək olur, evlə, avtomobillə təmin olunmasında yaxından iştirak edir. Həmçinin biz şahidi oluruq ki, Mehriban xanıma səhhəti ilə, təhsilli ilə və digər sosial problemələri ilə şəxsən yüzlərlə insan müraciət edir. Bütün bunlara dərhal reaksiya verilir, qarşılaşdıqları problemlərin həlli istiqamətində müvafiq tədbirlər görülür. Pandemiya ilə əlaqədar ölkəmizdə tətbiq edilən sərt karantin dövründə də Mehriban xanımın rəhbərlik etdiyi Heydər Əliyev Fondu həmişə olduğu kimi yenə də öndə idi. Bütün sosial layihələrin icrasında, demək olar ki, Fondun adı keçirdi. Körpələr və uşaq evləri, internat məktəbləri, Uşaq Psixonevroloji Mərkəzi, bütün sosial xidmət müəssisələri, o cümlədən pensiya yaşına çatmış şəxslər üçün sosial xidmət müəssisəsi belə koronavirusla mübarizə tədbirləri çərçivəsində dezinfeksiyaedici vasitələrlə, maskalar, digər qoruyucu vasitələr və zəruri ehtiyaclarla mütəmadi təmin edildi. Hamıya məlumdur ki, Azərbaycan COVID-19 virusu ilə mübarizədə nümunəvi ölkə olaraq bütün dünya dövlətləri tərəfindən təqdir olundu. Bu barədə hətta beynəlxalq təşkilatların iclaslarında da söz açıldı. Bu sahədə dövlət siyasəti ilə yanaşı, Heydər Əliyev Fondunun və onun rəhbəri Mehriban xanımın xidmətləri danılmazdır”.
"Ölkə gənclərinin yüksək səviyyədə təhsil alması, müasir elmlərə yiyələnməsi, savadlı, bilikli gənclərimizin sayının artırılması üçün davamlı olaraq Mehriban xanımın təşəbbüsü ilə müəyyən proqramlar və layihələr icra olunur. Bu sahədə "Yeniləşən Azərbaycana yeni məktəb” proqramını xüsusi qeyd etmək istərdim. Bu proqram çərçivəsində üç mindən çox məktəb müasir tələblərə uyğun olaraq əsaslı təmir olunub və ya yenidən tikilib, lazimi invertarlarla təmin olunub, gənclərin normal mühütdə təhsil alması üçün hər cür şərait yaradılıb. Bundan başqa, "İnternat məktəblərinin inkişaf proqramı”, "Təhsilə dəstək” kimi proqramların icrası da uğurla icra olunub ki, bütün bunlar dövlətin təhsil siyasətinin reallaşmasında müstəsna əhəmiyyətə malikdir. Tədris prosesində əlverişli şəraitin yaradılması, təhsilin keyfiyyətinin yaxşılaşdırılması son illər Azərbaycan təhsilinin beynəlxalq təhsil məkanına inteqrasiyasını gücləndirib və beynəlxalq fənn olimpiadalarında Azərbaycan məktəblisinin uğurlarının əsas təminatçısı olub”, - deputat əlavə edib.
"Bu gün Azərbaycan dünyada həm də idman ölkəsi kimi tanınır. Gənclərin sağlam şəraitdə böyüməsi, pis vərdişlərdən uzaq olması, ümumiyyətlə, ölkədə bədən tərbiyəsinin hərtərəfli inkişafı prioritet təşkil edir. Bu gün əminliklə deyə bilərik ki, dövlətimizin bütün dünyada tanınmasında, təbliğində Prezident İlham Əliyevin uğurla tətbiq etdiyi idman siyasətinin xüsusi yeri olub. Milli Olimpiya Komitəsinin və İcraiyyə Komitəsinin üzvü, həmçinin Azərbaycan Gimnastika Federasiyasının prezidenti kimi Mehriban xanım Əliyeva da bu sahədə böyük işlər görüb, idman hərəkatının davamlılığına əvəzsiz töhfələr verib. Birinci Avropa Oyunlarının, IV İslam Həmrəyliyi Oyunlarının, Gimnastika üzrə dünya kuboku yarışlarının ölkəmizdə yüksək səviyyədə keçirilməsi məhz onun adı və yüksək təşkilatçılıq keyfiyyətləri ilə bağlıdır. Təbii ki, bu cür beynəlxalq yarışlar ölkəmizin məxsus olduğu mədəniyyətin təbliğinə, idman ölkəsi kimi beynəlxalq miqyasda tanınmasına, beləliklə, ölkəmizə böyük turist axınına səbəb olub”, - Konfederasiya sədri qeyd edib.
"Mehriban xanım öz fəaliyyəti ilə Azərbaycan qadınının müsbət obrazını yaradıb. O, istər ölkə həyatında, istərsə də beynəlxalq səviyyədə gördüyü nəcib və humanist işlərlə Azərbaycanı bütün dünyada uğurla təmsil edir. Bu xeyirxah əməlləri ilə Azərbaycan qadını adını ucalara qaldırıb. Onun beynəlxalq səviyyədə əldə etdiyi uğurlar həm də Azərbaycan qadınının uğurudur. Fəxarətlə deyə bilərik ki, bu gün Azərbaycan qadını UNESCO və ISESCO-nun Xoşməramlı səfiridir. Bu gün Azərbaycan qadının təşəbbüsü ilə müsəlman ölkələrində xeyriyyə aksiyaları keçirilir, müsəlman uşaqların təhsili və sağlamlığı ilə bağlı davamlı layihələr reallaşdırılır, xarici ölkələrdə məktəblər tikilir. Görülən bu işlər xeyirxah və tərəqqipərvər missiyanın bütün dünya insanlarına faydalı olmaq məqsədi daşıdığını göstərir və dünya insanının savadlanmasına xidmət edir. Xeyirxahlıq, mərhəmət, insanpərvərlik nümunəsi olan Mehriban xanımın timsalında budur Azərbaycan qadının xidmətləri”, - S.Möhbalıyev fikrini tamamlayıb.
AİA.Az
XƏBƏR LENTİ
18:05 | PREZİDENTƏ AÇIQ MƏKTUB - YENİLƏNİB 21:03 | İmişli RİH-i yanında yaradılmış ictimai şura yeni tərkibdə ilk iclasını keçirib 12:18 | Prezident Milli Mətbuat Günü münasibətilə paylaşım etdi 12:14 | Ziya Bünyadovun qatillərinin azadlığa buraxılmasına çalışanlar kimdir? - Həbs olunanlar var 12:11 | BQXK Azərbaycanda saxlanılan Qarabağ separatçılarına baş çəkdi 11:38 | MÜSTƏNTİQLƏR VƏ HAKİM, ƏMƏLLƏRİ İLƏ SÜBUTA EDİRLƏR Kİ, BU, ÖLÜMƏ CƏHD CİNAYƏTİ SİFARİŞLƏ YERİNƏ YETİRİLİB... 11:35 | Bayden prezidentliyə namizədliyini geri götürdü 11:34 | Milli mətbuatın yaranmasından 149 il ötür 11:33 | Şuşada fransız kolonializminə dair hesabat təqdim edildi 12:48 | “Fiziki məhdudiyyətli şəxslərin cəmiyyətə inteqrasiyası” adlı layihənin icrasına başlanılıb 19:01 | VƏTƏNDAŞIN SALINDIĞI PROBLEM 14:04 | Şərəfli vəzifənin layiqli rəhbəri: NAZİM ƏSGƏROV 15:36 | İlham Əliyev Rusiya prezidentinə məktub göndərdi 15:33 | NATO Azərbaycanı seçir və ya bədxassəli aktorlara qarşı birgə “əməliyyat” - TƏHLİL 15:32 | Nazirlər Kabinetindən inflyasiya ilə bağlı AÇIQLAMA 21:13 | Suraxanı rayonunda Şəhid Muxtar Qasımlının Ad günü qeyd olundu.