İdman
ÇOX OXUNANLAR
22-05-2021, 11:59 Oxunub: 62297
Bakıda onkologiya üzrə beynəlxalq elmi konfrans keçirilib - FOTOLAR
Azərbaycan Respublikasının Səhiyyə Nazirliyi, Heydər Əliyev Fondu, Heydər Əliyev Mərkəzi, Milli Onkologiya Mərkəzi, Azərbaycan Onkoloqlar Cəmiyyəti, Amerika Kliniki Onkologiya Cəmiyyəti və "Regional İnkişaf” İctimai Birliyinin birgə təşkilatçılığı ilə mayın 21-də Azərbaycanda onkoloji xidmətin yaradılmasının 80 illiyinə həsr edilmiş "Bədxassəli şişlərin diaqnostikası və müalicəsinə müasir yanaşma” mövzusunda beynəlxalq elmi konfrans keçirilib.
Heydər Əliyev Mərkəzində karantin rejiminin tələbləri nəzərə alınaraq təşkil edilən konfransı giriş sözü ilə açan Milli Onkologiya Mərkəzinin Baş direktoru, akademik Cəmil Əliyev Azərbaycanda onkoloji xidmətin yaradılması və 80 il ərzində keçdiyi tarixi yol haqqında konfrans iştirakçılarına məlumat verib. C.Əliyev bildirib ki, ölkəmizdə onkoloji xidmətin yüksək səviyyəyə çatması, səmərəliliyinin dinamik şəkildə artması və ən müasir standartlara cavab verməsi bu sahədə çalışan mütəxəssislərin gərgin əməyi, xüsusilə ölkə rəhbərliyinin daimi diqqət və qayğısı nəticəsində mümkün olmuşdur. Son illər ərzində onkoloji xidmətin flaqmanı olan Milli Onkologiya Mərkəzində xərçəng xəstəliklərinin diaqnostikası üçün yaradılmış şərait, neyrocərrahiyyə, torakal cərrahiyyə, onkoginekologiya, onkourologiya və onkohematologiya şöbələrinin yaradılması, ABŞ-ın "Varian” şirkətinin ən qabaqcıl texnologiyası əsasında qurulmuş stereotaktik şüa terapiyası mərkəzinin təsis edilməsi, ilk dəfə Nüvə Təbabəti Mərkəzinin yaradılması Azərbaycan Respublikası Prezidentinin onkoloji xəstələrə diqqət və qayğısının bariz nümunəsidir. Birinci vitse-prezident, Heydər Əliyev Fondunun prezidenti Mehriban Əliyevanın himayəsi ilə yaradılmış Uşaq Onkoloji Klinikası isə onkoloji xəstəliklərdən əziyyət çəkən uşaqların müalicəsi üçün yüksək keyfiyyətli cərrahiyyə, kimya terapiyası və şüa terapiyası xidmətlərini təmin edir.
Azərbaycan Respublikası Prezidentinin Administrasiyasının Humanitar siyasət, diaspora, multikultiralizm və dini məsələlər şöbəsinin müdiri Fərəh Əliyeva Prezident İlham Əliyevin konfrans iştirakçılarına ünvanladığı təbrik məktubunu səsləndirərək, konfransın işinə uğurlar arzulayıb. Təbrik məktubunda xüsusi olaraq vurğulanıb ki, dünyanın müxtəlif ölkələrindən tanınmış mütəxəssislərin qatıldığı, onkologiya üzrə bu mötəbər elmi konfransın ölkəmizdə keçirilməsi, Azərbaycanın onkoloji xəstəliklərlə mübarizədə daim artan nüfuzunun göstəricisidir.
Tədbirin davamında Azərbaycanda onkologiyanın inkişaf tarixindən, müasir onkologiyanın əldə etdiyi nailiyyətlərdən söz açılmış, Səhiyyə nazirinin birinci müavini, Səhiyyə nazirinin səlahiyyətlərini müvəqqəti icra edən Teymur Musayev, Azərbaycan Respublikası Milli Məclisi Səhiyyə Komitəsinin sədri akademik Əhliman Əmiraslanov, Heydər Əliyev Fondunun Beynəlxalq əlaqələr departamentinin müdiri Soltan Məmmədov, İngiltərənin Oksford Universitetinin professoru Devid Kerr, ABŞ-nin
Vaşinqton Universitetinin professoru, Amerika Kliniki Onkologiya Cəmiyyətinin icraçı vitse-prezidenti professor Culi Qralou, Türkiyənin Hacettepe Universitetinin professoru Suayib Yalçın və digər məruzəçilərin çıxışları dinlənilib.
Konfrans öz işini Milli Onkologiya Mərkəzinin aparıcı mütəxəssisləri, həmçinin Amerika Birləşmiş Ştatlarının Vaşinqton və Qərbi Virciniya Universitetlərinin, Filadelfiyanın Fox Chase Xərçəng Mərkəzinin, Veill Cornell Tibb Universitetinin, Böyük Britaniyanın Oksford Universitetinin, İtaliyanın Genoa Universitenin, Türkiyənin Hacettepe Universitetinin professor və aparıcı mütəxəssislərinin bədxassəli şişlərin müasir diaqnostikası və müalicəsində ənənəvi və müasir müalicə metodları ilə yanaşı, müasir diaqnostika və müalicə metodları, bu sahədə aparılan elmi araşdırmalar, əldə olunan nəticələr barədə müzakirə və təqdimatlarla davam etdirib.
aia.az
XƏBƏR LENTİ
19:25 | “Zelenski Putinlə görüşə hazırdır” 19:21 | “Qardaşım ölməyib, sağdır” - Əhəd Abıyev 19:17 | Tərtərin prokuroru işdən çıxarıldı - Bu vəzifəyə təyin edildi 19:16 | Şahin Bağırov general-polkovnik oldu - Sərəncam 15:31 | Böhtanın dili yox, məsuliyyəti var 15:04 | Torpaq üçün canından keçən Milli Qəhrəmanının övladının torpağı əlindən alındı!... – Beyləqan notariatı hansı maraqlara xidmət edir?!... “Azərşəkər” MMC hansı “rol”dadı? Füzuli RİH başçısının hansı maraqları var? 14:47 | “P-Aqro” MMC-nin direktoru Azər Əlizadə ölkədən qaçıb? – Şirkət vətəndaşların borcunu ödəmir 21:22 | Deputatın otağında diqqətçəkən DETALLAR... Ramiz Mehdiyev kitabı ön planda - VİDEO 21:19 | Bakıda daha bir məktəbdə qalmaqal: direktorla müəllimə üz-üzə gəlib 21:18 | Biləsuvarda “ağ qızıl” əməliyyatı: Bələdiyyə sədri ilə müavinin işbirliyi 21:16 | Qarabağ Regional Təhsil İdarəsinin müdiri hansı peşə hazırlığına malikdir? 19:53 | "By Məhsəti" salonundan ŞİKAYƏT – Müştərinin pulu niyə geri qaytarılmır? 10:54 | “Tezliklə yanınızda olacağam” - Rza Pəhləvi İrana qayıdır? 10:50 | Məğlubiyyətdən sonra “Qalatasaray”dan şok qərar 10:46 | İranlı qadınların Xameneinin fotosuna qarşı etdiyi hərəkət viral oldu 10:44 | Şamaxıda zəlzələ oldu
