BİNƏQƏDİ RAYON XOCASƏN QƏSƏBƏ SUKANAL İDARƏSİNİN RƏİSİ AZƏR İSGƏNDƏROV İDARƏNİN ƏRAZİSİNİ ŞƏXSİ ƏMLAKI KİMİ İSTİFADƏ EDİR

Redaksiyaya daxil olan məlumatla bağlı əməkdaşlarımızla birgə sözü gedən əraziyə yollandıq. Həmin sözü gedən əraziyə çatan kimi bizə daxil olan məlumatların doğruluğunu öz gözlərimizlə gördük. Həmin ərazidə keçmiş Azərsu ASC-nin Sukanal idarəsi yerləşir. Ərazidə və həmin Sukanal idarəsinin yerləşdiyi məkanda anti-sanitariya hökm sürür. Biz həmin ərazidə bəzi video-çəkilişlərlə müşahidələrimizi apara bildik. Baxımsızlıqdan hər tərəfdə zibillik və xarabalığa bənzər uçuq-sökük binalar gözə dəyir. Həmin ərazi yiyəsiz bir məkan kimi mal-heyvan, it-pişik yığnağına çevrilmişdir. Əldə etdiyimiz məlumata görə həmin Sukanal idarəsinin Rəisi sözü gedən ərazidən öz şəxsi maraqları üçün istifadə edir. Bir sözlə desək həmin ərazi "qəhrəmanımızın" şəxsi biznesinə çevrilmişdir. Burada qoyun-keçi, mal-qara, iri çoban itindən belə qarşımıza çıxdı. Biz itdən ehtiyat edərək içəri daxil olub geniş çəkiliş edə bilmədik. Məsələ ilə bağlı həmin ərazidə yerləşən Sukanal idarəsinin rəisi Azər İsgəndərovla əlaqə saxlayıb aydınlıq gətirməsini nəzərinə çatdırdıq. O isə öz növbəsində hal-hazırda şəhərdə olmamasını bildirərək səhərisi günü bizimlə görüşəcəyinə söz verdi. Amma nədənsə bu gunə qədər həmin rəis etdiyimiz zənglərə cabab vermir. Biz isə Qanun və kriminal xəbər portalının-internet televiziyasının Rəhbərliyi kimi qarşı tərəfində mövqeyini dinləməyə hazırıq və jurnalist araşdırmalarımızı  davam etdirəcəyik.  

Davamı var.

Bizi izləyin.