Avropa ölkələri səfirləri Ermənistanla sərhəddəki Qaragöl ərazisinə yollandı?..

"Sünikdən hal-hazırda Avropa İttifaqına üzv olan 10-dan çox ölkənin Ermənistandakı səfirlərinin vəziyyətlə tanış olmaq məqsədilə Qaragöl ərazisinə yollanması barədə xəbər almışıq”. 

 

Bunu qəsbkar Ermənistanın "Qraparak” nəşri yazıb. 

 

"Səfirləri Ermənistan Xarici İşlər nazirinin müavini Avet Adonts və 1-ci ordu korpusunun komanda heyəti nümayəndələrinin müşayiət etdiyi bildirilir.

 

Xarici İşlər Nazirliyinin öncədən olay yerində işləyən media nümayəndələrinə əvvəlcədən icazə verdiyi halda, səfirlərin səfərinin KİV nümayəndələri olmadan reallaşdığı,  bunun Müdafiə Nazirliyinin tələbi ilə edildiyi deyilir”- erməni qəzeti belə yazır.

 

Xatırladaq ki, mayın 12-də Azərbaycan Silahlı Qüvvələri tərəfindən Ermənistanla sərhəddəki Qaragöl ətrafında sərhədlərin dəqiqləşdirilməsi zamanı işğalçı ölkənin siyasi dairələri və mediası tərəfindən yaradılmış süni gərginlik hələ də davam edir. 

 

Son məlumatlara görə, Azərbaycan ordusu müvafiq xəritələrə uyğun olaraq dayandıqları sərhəd mövqelərindən geri çəkilməyib.