Ən çox turist qəbul edən Milli Parklar: Göygöl, Şahdağ və Abşeron

Bioloji Müxtəlifliyin Qorunması Xidmətinin rəsmisi Arzu Babayeva Manset.az-a bildirib ki, ən çox turist qəbul edən Göygöl, Şahdağ və Abşeron Milli Parklarıdır.

“Turistlərin sayında müşahidə olunan artım iyun, iyul, avqust aylarının istirahət mövsümü olması ilə yanaşı, həm də insan-təbiət vəhdətinin qurulması istiqamətində aparılan ardıcıl maarifləndirmə işləri və milli parklarda ziyarətçilərin rahatlığını təmin edən yeni və müasir infrastrukturların yaradılmasıdır”. 

Xidmət rəsmisi qeyd edib ki, turistlər milli parklarımızı ziyarət edərək, həm füsunkar mənzərələrdən zövq ala bilir, həm də vəhşi təbiətlə birbaşa təmas qurmuş olur ki, bu da ölkəmizdə ekoturizmin inkişafını və ziyarətçilərin sayının artmasını təmin edir.