İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədrinə yeni I müavin təyin edilib.

 Report-un məlumatına görə  bu vəzifə Samir Hümbətova həvalə olunub.

O, indiyə qədər sədrin müavini olub və birinci müavin postunda bir qədər əvvəl Maliyyə Nazirliyinin aparat rəhbəri təyin edilmiş Natiq Həsənovu əvəz edib.

Samir Hümbət oğlu Hümbətov 1978-ci ildə Qubadlı rayonunun Aşağı Mollu kəndində anadan olub.
1999-cu ildə Azərbaycan Dövlət İqtisad Universitetini Beynəlxalq iqtisadi münasibətlər ixtisası üzrə bakalavr, 2004-cü ildə magistr pilləsini fərqlənmə diplomu ilə bitirib.
İqtisadiyyat Nazirliyinin İqtisadi İslahatlar Elmi Tədqiqat İnstitutunun dissertantıdır.
2002-2017-ci illərdə İqtisadiyyat Nazirliyinin Sahibkarlığa Kömək Milli Fondunda məsləhətçi, aparıcı məsləhətçi və şöbə müdiri vəzifələrində çalışıb.
2018-ci ildə Azərbaycan İpoteka Fondu Açıq Səhmdar Cəmiyyətində İdarə Heyəti sədrinin müşaviri, şöbə rəisi vəzifələrində çalışıb.
2019-2021-ci illərdə İqtisadiyyat Nazirliyinin Sahibkarlığın İnkişafı Fondunun İdarə Heyəti sədrinin müavini vəzifəsində çalışıb.
Azərbaycan Respublikası Prezidentinin Sərəncamı ilə “Dövlət qulluğunda fərqlənməyə görə medalı” ilə təltif olunub. Dövlət qulluğunun kiçik müşaviri ixtisas dərəcəsi vardır.
2021-2025-ci illərdə Azərbaycan Respublikası Kiçik və Orta Biznesin İnkişafı Agentliyinin (KOBİA) İdarə Heyəti sədrinin müavini vəzifəsində çalışıb.
Evlidir, 1 övladı var. 

Redaksiyamızın köllektivi adından bu yüksək vəzifəyə təyin olunduğu münasıbətilə jurnalistlərin dostu cox hörmətli Samir Hümbətovu səmimi qəlbdən təbrik edir, ona uzun ömür, işlərində yeni-yeni müvəffəqiyyətlər arzulayıram.

Hörmətlə

"Qanun və Kriminal" qəzetinin baş redaktoru İlhamə Məhərrəm qızı