İdman
ÇOX OXUNANLAR
19-10-2021, 15:43 Oxunub: 122199
Səttar Möhbalıyev: “Zabit və əsgərlərimizin xidmətləri dövlət tərəfindən həmişə yüksək qiymətləndirilir”
"Vətən müharibəsində ilk gündən Azərbaycan Ordusu Füzuli rayonu istiqamətində böyük uğurlar əldə etdi. Ardıcıl olaraq rayonun kəndləri işğaldan azad olunmağa başladı. Baxmayaraq ki, düşmən 30 ilə yaxın müddət ərzində burada xeyli möhkəmlənmişdi, güclü istehkamlar qurmuşdu və "keçilməz” adlandırırdı. Amma Ordumuz bir həmlə ilə həmin müdafiə xəttini yardı və sürətlə irəliləməyə başladı. Təbii ki, bu uğurlar silahlı qüvvələrimizin peşəkarlığını, yenilməzliyini göstərir. İnsanlarımız kəndlərin, hətta bundan da kiçik yaşayış məntəqələrimizin azad olunmasını böyük sevinclə qarşılayırdı. Lakin rayon mərkəzlərinin, şəhərlərin işğaldan azad olunması xalqda xüsusi əhval-ruhiyyə yaradır, bir-birilərini təbrik edirdilər. Cəbrayıldan sonra Füzuli şəhərinin azad olması xalqda qələbəyə olan sarsılmaz inamı daha da artırdı, zəfər yolumuzda növbəti hədəflərimiz üçün son dərəcə önəmli rol oynadı”.
Bu fikirləri Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev deyib.
"Bilirsiniz ki, hər kəndin, qəsəbənin, şəhərin işğaldan azad olunması üçün Ordumuzun fərqli taktikalar olub. Bu zaman həmin məntəqələrin relyefi, iqlimi, düşmənin planları öncədən nəzərə alınıb. Füzuli əməliyyatının unikallığı isə düşmənin gözləmədiyi yerdən, fərqli istiqamətdən Ordumuzun şəhərə daxil olması idi. Artıq hücumun son mərhələsində düşmənin yeganə çıxış yolu silahını da atıb başını götürüb qaçmaq olmuşdu. Bu əməliyyatdan sonra hərbi mütəxəssislər Ordumuzun böyük döyüş qabiliyyətli və texniki təminata malik olduğunu açıq söyləyirdilər. Digər əməliyyatları kimi, bu əməliyyat da hazırda dünyanın aparıcı ali hərbi məktəblərində araşdırılır və öyrənilir. Əsgər və zabitlərimizin bu xidmətləri dövlətimizin diqqətindən kənarda qalmadı. Prezident İlham Əliyevin sərəncamları ilə burada döyüşmüş və şəxsi igidlik nümayiş etdirmiş Azərbaycan Respublikası Silahlı Qüvvələrinin 25167 hərbi qulluqçusu "Füzulinin azad olunmasına görə” medalı ilə təltif olundu”.
S.Möhbalıyev qeyd edib ki, 17 oktyabr tarixi Füzuli sakinləri ilə yanaşı, bütün xalqımızın yaddaşında daim yaşayacaq, məhz bu gün Vətən həsrətinə son qoyulub, Ordumuzun göstərdiyi misilsiz qəhrəmanlıqlar sayəsində Füzuli şəhəri işğaldan azad edildi: "Bu gün Füzuli rayonunda sürətli abadlıq-quruculuq işləri aparılır, nəhəng layihələr icra olunur. Müzəffər Ali Baş Komandan cənab İlham Əliyevin rayona hər səfərində görülən və görüləcək işlərin təqdimatı zamanı biz buna şahid oluruq. Müharibə başa çatandan bu yana dövlətimizin başçısı dəfələrlə Füzuli rayonunda olub. Oktyabrın 17-də sonuncu səfəri zamanı da cənab Prezident görülən işlərlə tanış oldu, təməlqoyma mərasimlərində iştirak etdi. Füzuli-Ağdam avtomobil yolunun, Rəqəmsal Yarımstansiya İdarəetmə Mərkəzinin, Dövlətyarlı kəndində yeni "ağıllı kənd”in, həmçinin ilk yaşayış binalarının təməllərinin qoyulması görülən işlərin geniş miqyasını və əhəmiyyətini göstərir. İşlərin bu cür sürətli və keyfiyyətli aparılması, həqiqətən də, bizi inandırır ki, sakinlər yaxın vaxtlarda həmin ərazilərdə yenidən məskunlaşacaq, əvvəlki normal həyatlarına davam edəcəklər ”.
XƏBƏR LENTİ
18:05 | PREZİDENTƏ AÇIQ MƏKTUB - YENİLƏNİB 21:03 | İmişli RİH-i yanında yaradılmış ictimai şura yeni tərkibdə ilk iclasını keçirib 12:18 | Prezident Milli Mətbuat Günü münasibətilə paylaşım etdi 12:14 | Ziya Bünyadovun qatillərinin azadlığa buraxılmasına çalışanlar kimdir? - Həbs olunanlar var 12:11 | BQXK Azərbaycanda saxlanılan Qarabağ separatçılarına baş çəkdi 11:38 | MÜSTƏNTİQLƏR VƏ HAKİM, ƏMƏLLƏRİ İLƏ SÜBUTA EDİRLƏR Kİ, BU, ÖLÜMƏ CƏHD CİNAYƏTİ SİFARİŞLƏ YERİNƏ YETİRİLİB... 11:35 | Bayden prezidentliyə namizədliyini geri götürdü 11:34 | Milli mətbuatın yaranmasından 149 il ötür 11:33 | Şuşada fransız kolonializminə dair hesabat təqdim edildi 12:48 | “Fiziki məhdudiyyətli şəxslərin cəmiyyətə inteqrasiyası” adlı layihənin icrasına başlanılıb 19:01 | VƏTƏNDAŞIN SALINDIĞI PROBLEM 14:04 | Şərəfli vəzifənin layiqli rəhbəri: NAZİM ƏSGƏROV 15:36 | İlham Əliyev Rusiya prezidentinə məktub göndərdi 15:33 | NATO Azərbaycanı seçir və ya bədxassəli aktorlara qarşı birgə “əməliyyat” - TƏHLİL 15:32 | Nazirlər Kabinetindən inflyasiya ilə bağlı AÇIQLAMA 21:13 | Suraxanı rayonunda Şəhid Muxtar Qasımlının Ad günü qeyd olundu.