Şəfalı əllər sahibi və ya ağxalatlı mələk - Rühəngiz Bəşirova
Sabunçu Rayon Mərkəzi Xəstəxanasında sağlamlığın keşiyində dayananlar arasında Rühəngiz Bəşirova kimi şəfalı əlli, şirin dilli həkimlər çoxdur.
Müsahibim Sabunçu Rayon Mərkəzi Xəstəxanasının direktoru Rühəngiz Bəşirovadı. Xəstəxananın direktoru Rühəngiz xanım bacarıqlı xanım, savadlı həkim olmaqla yanaşı, həm də təcrübəli rəhbərdir. Bütün fəaliyyəti dövründə Rühəngiz xanım öz nümunəvi xidməti ilə Azərbaycan səhiyyəsinin inkişafına sərf etmişdir.
Sabunçu Rayon Mərkəzi Xəstəxanasına direktor təyin olunduğu andan, burada xeyli uğurlu dəyişikliklər baş vermişdir. Belə ki, xəstələrə burada xüsusi diqqət və qayğı göstərilir. Sabunçu Rayon Mərkəzi Xəstəxanasına müraciət edən xəstələr xəstəxana rəhbərliyindən, həkim kollektivindən öz məmnunluqlarını ifadə edirlər. Xəstələrə göstərilən bu xüsusi qayğı və nəvazişin, nümunəvi xidmətləri, əldə olunan uğur və nailiyyətlərin qazanılmasında Rühəngiz xanımın təbii ki, əməyi böyükdür. İnsan sağlamlığının keşiyində dayanmaq, insanlara salamlıq bəxş etmək müqəddəs peşədir.
Rühəngiz Bəşirova Müzəffər Ali Baş Komandan, cənab Prezident İlham Əliyevin başçılığı ilə 2020-ci ilin sentyabr ayında başlanan Vətən müharibəsində də danılmaz xidmətləri olmuşdur. Rühəngiz xanım daima dövlət və dövlətçiliyin mənafeyini öz maraqlarından üstün tutmuşdur. Ulu Öndər Heydər Əliyevin siyasi kursunun layiqli davamçısı İlham Əliyev cənablarının yürütdüyü daxili və xarici siyasətini dəstəkləyib və davam etməkdədir. Rəhbərliyin qarşısında etimadını həmişə doğruldan həkimlərdəndir. Rühəngiz Bəşirova həmişə şəhid ailələri, vətən müharibəsi əlilləri və kimsəsiz ahılları diqqətdə saxlayaraq onların müayinə və müalicəsini şəxsən öz nəzarətinə götürmüşdür.
Bu müqəddəs peşələrdə media nümayəndələri olaraq Sabunçu Rayon Mərkəzi Xəstəxanasının direktoru Rühəngiz Bəşirovaya gələcək fəaliyyətində sonsuz uğurlar və müvəffəqiyyətlər arzulayırıq. Ağ xalatlı mələyimiz heç vaxt ağ xalatınız qara ləkə götürməsin. Qarşıdan gələn hər bir günüz xoş və firavan keçməsini arzulayırıq.
İlhamə Məhərrəmqızı
Baş redaktor
